மித்ராவிற்கு கண்டிப்பாக நீச்சல் கற்று குடுக்க வேண்டும் என்பதை நாங்கள் முன்னமே முடிவு செய்து இருந்தோம். அதனால் தண்ணீரை பற்றிய பயம் தெளிய வேண்டும் என்பதற்காக 1.௨ வருடத்திலேயே அவளை இங்கே இருக்கும் நீச்சல் குளத்திற்கு மதம் ஒரு முறையாவது கூடிக்கொண்டு போவது வழக்கம் .நமக்கு இன்னும் தண்ணீர் என்றாலே பயம் .
முதல் தடவை போகும்போது நீரில் கால் வைப்பதற்கே 20 நிமிடங்கள் ஆனது. அடுத்தடுத்த முறைகளில் நிறைய மாற்றங்கள் . இப்போ எல்லாம் சனிகிழமை வந்தாலே "அப்பா.. Swimming Pool போலாம் Okey ?" என்று ஆரம்பித்து விடுகிறாள்..அங்கே போய் என்ன பண்லாம் என்று கேட்டால் " பாப்பா தண்ணில தொப் " என்று உடனே பதில் வரும் .
மித்ரா வழிகள் எல்லாம் கொஞ்சம் நல்லாவே ஞாபகம் வைத்து கொள்கிறாள் . Serangoon MRT இறங்கி வெளியில் அந்த குறுகிய படிகளை பார்த்த வுடனேயே "தம்பி பாக்க போறோம் " அப்டின்னு சரியாய் சொல்லுவாள் . அதே போல் நீச்சல் குளம் இருக்கும் அந்த Sports Complex க்கு நாங்கள Shuttle விளையாட போவோம் . அந்த இடத்தை பார்த்தாலே தண்ணி தண்ணி என்று ரொம்பவும் குஷி ஆகி விடுவாள் . அன்றைக்கு போகும் முடிவு இல்லை என்றால் நிறைய காரணங்கள் சொல்லி சமாளிக்க வேண்டியது இருக்கும் .
ஆனால் நிச்சயம் தவறான விஷயங்கள் சொல்லி பயமுறுத்த கூடாது என்பதில் நான் ரொம்ப கண்டிப்பாக இருக்கிறேன் .உதாரணமாக பூச்சாண்டி , பூனை வருது என்பது போல சொல்வது இல்லை ... முடிந்த வரை பொருத்தமாக பதில்கள் சொல்லியே இது நாள் வரை சமாளித்தும் வருகிறேன்
