மித்துவின் மிரட்டல்

இப்போ எல்லாம் மித்துக்கு ரொம்ப கோவம் வருது. கைல வச்சிருக்கிற பொருட்கள் அந்த மாதிரி நேரத்தில் இரண்டு அடி தூரம் வரை பறக்குது.டிவி ரிமோட் , டம்ளர் , தட்டு எல்லாம் இதுல அடங்கும் . இதை எப்படி மாத்துறதுன்னு தான் தெரியலை. என்னக்கு கோவம் வந்த நான் பப்பு கிட்ட , உன் கூட பேசமாட்டேன் " கா" அப்படின்னு சொல்லிட்டு திரும்பி உட்காருவேன் . இப்போ எல்லாம் எனக்கு முன்னாடி அவ " கா" சொல்லிட்டு சிரிக்கிறா ஹம்.. அப்புறம் நமக்கு எங்கேர்ந்து கோவம் வருது ? நல்லா என்னை தாஜா பண்ண கத்துகிட்டா..

 

அதே மாதிரி எல்லா சாமான் மேலயும் நிக்க ட்ரை பண்றா. சின்ன டம்ளர் முதல் , அவளோட ட்ரம்ஸ் ,குட்டி கப் , வாளி, தட்டு  இப்டி எல்லாத்து  மேலயும் .. அதுலேயே ride  வேற... ஆனா கீழ விழாம இருக்க ரொம்ப நல்லா balance  பண்றா.

 

கொஞ்சம் கொஞ்சம் jump  கூட வருது. அப்பா மேல ஏறி நின்னு , நான் உட்கார்ந்து இருந்த என் தொடை மேல ஏறி நின்னு அப்டியே கீழ

குதிக்கிறா....

சில சமயம் ரொம்ப ஜாலியா இருந்த ஒரே "சுத்தி சுத்தி" தான்... இல்லேன்னா என்னை யானை போ போ அப்டின்னு  ஒரே வெரட்டு ....  அவ வேகத்துக்கு ஈடு குடுத்து சில சமயம் நம்மாலேயே ஓட முடியலை.. ஹையோ வயசாயிருச்சூ :-(